1ܦܵܘܠܘܿܣ؛ ܫܠܝܼܚܵܐ؛ ܠܵܐ ܡ̣ܢ ܒܢܲܝܼܢܵܫܵܐ؛ ܘܠܵܐ ܒܝܲܕܼ ܒܲܪܢܵܫܵܐ؛ ܐܸܠܵܐ ܒܝܲܕܼ ܝܼܫܘܿܥ ܡܫܝܼܚܵܐ؛ ܘܐܲܠܵܗܵܐ ܒܵܒܵܐ؛ ܗܵܘ ܕܡܘܼܩܡܠܹܗ ܡ̣ܢ ܡܝܼܬܹ̈ܐ؛ 2ܘܟܠܵܝܗܝ ܐܵܚܘܿܢܘܵܬܹ̈ܐ ܕܥܲܡܝܼ؛ ܠܥܹܕܬܹ̈ܐ ܕܐܝܼܬܼ ܓܵܘ ܓܵܠܵܛܝܼܵܐ؛ 3ܫܵܦܲܩܲܬ ܥܲܡܵܘܟܼܘܿܢ ܘܫܠܵܡܵܐ ܡ̣ܢ ܐܲܠܵܗܵܐ ܒܵܒܵܐ ܘܡ̣ܢ ܡܵܪܲܢ ܝܼܫܘܿܥ ܡܫܝܼܚܵܐ؛ 4ܗ̇ܝ ܕܝܘܼܗَܒܼܵܐ ܠܹܗ ܓܵܢܹܗ ܡܒܵܕܵܠ ܕܚܛ̈ܝܼܵܬܲܢ؛ ܕܦܵܨܹܐ ܗَܘܵܐ ܠܲܢ ܡܐܵܗܵܐ ܥܵܠܡܵܐ ܒܝܼܫܵܐ؛ ܐܲܝܟܼ ܪܸܙܵܝܹܗ ܕܐܲܠܵܗܵܐ ܒܵܒܲܢ؛ 5ܕܐܸܠܹܗ ܫܘܼܒܼܚܵܐ ܠܥܵܠܲܡ ܥܵܠܡܝܼܢ 6ܥܵܓ̰ܘܿܒܹܐ ܝܘܸܢ ܕܵܐܟܼܝܼ ܓ̰ܵܠܕܹܐ ܒܸܕܝܵܪܵܐ ܝܬܘܿܢ ܡ̣ܢ ܕܗ̇ܘ ܕܩܵܡ ܩܵܪܹܐ ܠܵܘܟܼܘܿܢ ܒܫܵܦܵܩܲܬܹܗ ܕܡܫܝܼܚܵܐ؛ ܠܐܹܘܵܢܓܵܠܝܼܘܿܢ ܐَܚܹܪَܬܵܐ؛ 7ܗ̇ܝ ܕܠܹܐ ܝَܠܵܗ̇ ܐَܚܹܪَܬܵܐ ܐܸܠܵܐ ܐܝܼܬܼ ܐَܢܵܫܹ̈ܐ ܕܒܸܚܒܼܵܛܵܐ ܝܢܵܐ ܐܸܠܵܘܟܼܘܿܢ؛ ܘܒܸܒܲܥܝܵܐ ܝܢܵܐ ܕܫܲܚܠܸܦܝܼ ܐܹܘܵܢܓܵܠܝܼܘܿܢ ܕܡܫܝܼܚܵܐ. 8ܐܝܼܢܵܐ ܐܘܼܦ ܐܸܢ ܐܲܚܢܲܢ؛ ܝܲܢ ܡܲܠܲܐܟܼܵܐ ܡ̣ܢ ܫܡܲܝܵܐ؛ ܡܲܫܚܸܕ ܠܵܘܟܼܘܿܢ ܠܒܲܕܲܪ ܡ̣ܢ ܡܸܢܕܝܼ ܕܡܘܼܫܚܸܕܠܲܢ ܐܸܠܵܘܟܼܘܿܢ؛ ܗܵܘܹܐ ܡܘܼܚܪܸܡܵܐ. 9ܕܵܐܟܼܝܼ ܕܡܩܲܕَܡܵܝܬܵܐ ܐَܡܸܪܲܢ ܘܐܵܕܝܵܐ ܡܸܢَܕܪܸܫَ ܒܹܐܡܵܪܵܐ ܝܘܸܢ؛ ܕܐܸܢ ܐَܢܵܫܵܐ ܡܲܫܚܸܕ ܠܵܘܟܼܘܿܢ ܠܒܲܕܲܪ ܡ̣ܢ ܡܸܢܕܝܼ ܕܩܘܼܒܸܠܵܘܟܼܘܿܢ؛ ܗܵܘܹܐ ܡܘܼܚܪܸܡܵܐ. 10ܣܵܒܵܒ ܐܵܕܝܵܐ ܠܒܢܲܝ̈ܢܵܫܵܐ ܒܸܥܒܼܵܕܼܵܐ ܝܘܸܢ ܪܵܙܝܼ؛ ܝܲܢ ܠܒܢܲܝ̈ܢܵܫܵܐ ܒܸܒܲܥܝܵܐ ܝܼܘܸܢ ܕܫܵܦܪܲܢ؛ ܣܵܒܵܒ ܐܸܢ ܗܲܠ ܐܵܕܝܵܐ ܠܒܢܲܝ̈ܢܵܫܵܐ ܫܵܦܪܲܢ ܗَܘܵܐ؛ ܪܹܓܵܐ ܕܡܫܝܼܚܵܐ ܠܹܐ ܗܵܘܹܢ ܗَܘܵܐ. 11ܐܝܼܢܵܐ ܡܲܕܘܼܥܝܹܐ ܝܘܸܢ ܐܸܠܵܘܟܼܘܿܢ؛ ܐܵܚܘܿܢܘܵܬܝܼ̈؛ ܕܡܲܫܚܲܕܬܵܐ ܕܦܸܫܠܵܗ̇ ܡܘܼܫܚܸܕܬܵܐ ܡܸܢܝܼ؛ ܠܹܐ ܗَܘܵܐ ܡ̣ܢ ܒܲܪܢܵܫܵܐ. 12ܣܵܒܵܒ ܐܘܼܦ ܐܵܢܵܐ ܡ̣ܢ ܒܲܪܢܵܫܵܐ ܠܵܐ ܩܘܼܒܸܠܵܠܝܼ ܘܝܼܠܝܼܦܵܠܝܼ؛ ܐܸܠܵܐ ܒܝܲܕܼ ܓܸܠܝܵܢܵܐ ܕܝܼܫܘܿܥ ܡܫܝܼܚܵܐ؛ 13ܣܵܒܵܒ ܕܫܡܸܥܠܵܘܟܼܘܿܢ ܚܕܵܪ̈ܝܼ ܕܡ̣ܢ ܩܵܕَܡܵܝܬܵܐ ܕܒܝܗَܘܕܵܝܘܼܬܵܐ؛ ܕܒܹܐ ܗܲܕܼ ܟܹܐ ܛܵܪܕܪܸܢ ܗَܘܵܐ ܠܥܹܕܬܹܗ ܕܐܲܠܵܗܵܐ؛ ܘܟܹܐ ܡܲܚܪܸܒܸܢ ܗَܘܵܐ ܠܵܗ̇. 14ܘܟܹܐ ܙܵܝܕܹܝܢ ܗَܘܵܐ ܒܝܗَܘܼܕܵܝܘܼܬܼܵܐ ܙܵܘܕܵܐ ܡ̣ܢ ܪܵܒܵܐ ܚܲܒܼܪ̈ܵܘܵܬܼܝܼ ܒܫܸܢܹ̈ܐ ܕܝܼܗَܘܵܘ ܒܛܘܿܗܡܝܼ؛ ܘܪܵܒܵܐ ܩܲܝܼܪܲܬܟܲܫ ܝܘܸܢ ܗَܘܵܐ ܒܣܵܦܝܵܢܘܼܝܵܬܹ̈ܐ ܕܒܵܒܵܘܵܬܝܼ̈. 15ܐܝܼܢܵܐ ܟܲܕܼ ܒܣܸܡܠܵܐ ܠܹܗ ܐܲܠܵܗܵܐ؛ ܗ̇ܘ ܕܦܪܝܼܫܸܢܹܗ ܡ̣ܢ ܟܹܪَܣܵܐ ܕܝܸܡܝܼ؛ ܘܩܸܪܝܸܢܹܗ ܒܫܵܦܲܩܲܬܹܗ؛ 16ܕܓܵܠܹܐ ܒܪܘܼܢܹܗ ܒܝܼܝܼ؛ ܕܡܲܫܚܸܕܸܢ ܗَܘܵܐ ܠܹܗ ܓܵܘ ܛܵܝܸܦܹ̈ܐ؛ ܕܲܪܣܲܥܲܬ ܠܵܐ ܥܒܼܸܕܠܝܼ ܪܵܐܝܝܼ ܥܲܡ ܒܸܣܪܵܐ ܘܕܸܡܵܐ؛ 17ܘܠܵܐ ܐَܣܸܩܠܝܼ ܠܐܘܿܪܸܫܠܸܡ ܠܟܸܣ ܫܠܝܼܚܹ̈ܐ ܕܝܼܗَܘܵܘ ܡ̣ܢ ܩܵܕَܡ ܕܝܼܝܼ؛ ܐܸܠܵܐ ܐَܙܸܠܝܼ ܠܐܵܪܒܝܼܵܐ؛ ܘܡܸܢَܕܪܸܫَ ܕܸܪܝܼ ܠܕܲܪܡܣܘܿܩ. 18ܘܒܲܬَܪ ܗܵܕܵܐ ܬܠܵܬ ܫܸܢܹ̈ܐ؛ ܐَܣܸܩܠܝܼ ܠܐܘܿܪܸܫܠܸܡ ܕܚܵܙܹܝܢ ܗَܘܵܐ ܠܟܹܐܦܵܐ؛ ܘܥܘܼܪܩܸܠܝܼ ܠܟܸܣܠܹܗ ܚܲܡܫܲܥܣܲܪ ܝܵܘܡܵܢܹ̈ܐ. ܐܝܼܢܵܐ ܠܐَܚܹܪَܢܵܐ ܡ̣ܢ ܫܠܝܼܚܹ̈ܐ ܠܵܐ ܚܙܹܐܠܝܼ؛ ܫܒܼܘܿܩ ܡ̣ܢ ܝܲܥܩܘܿܒܼ ܐܵܚܘܿܢܹܗ ܕܡܵܪܲܢ. 20ܐܝܼܢܵܐ ܐܲܢܹܐ ܕܒܸܟܬܵܒܼܵܐ ܝܘܸܢ ܐܸܠܵܘܟܼܘܿܢ؛ ܗܵܐ؛ ܩܵܕَܡ ܐܲܠܵܗܵܐ ܠܹܐ ܝܘܸܢ ܕܵܓܘܿܠܹܐ. 21ܘܡ̣ܢ ܒܵܬَܪ ܐܲܢܸܐ ܐَܬܹܐܠܝܼ ܠܐܲܬܪ̈ܵܘܵܬܹܐ ܕܣܘܼܪܝܵܐ ܘܕܩܝܼܠܝܼܩܝܵܐ. 22ܘܠܹܐ ܗَܘܵܘ ܒܝܼܕܵܥܝܝܼ ܒܦܵܬܵܐ ܥܹܕܵܬܹ̈ܐ ܕܒܝܼܗܘܼܕ؛ ܐܵܢܝܼ ܕܒܡܫܝܼܚܵܐ. 23ܐܲܚܟ̰ܝܼ ܫܸܡܥܝܹܐ ܗَܘܵܘ؛ ܕܗ̇ܘ ܕܩܲܕَܡܵܝܼܬܵܐ ܟܹܐ ܛܵܪܸܕ ܗَܘܵܐ ܠܲܢ؛ ܐܵܕܝܵܐ ܡܲܫܚܘܼܕܹܐ ܝܠܹܗ ܗܲܝܡܵܢܘܼܬܵܐ ܗ̇ܝ ܕܡ̣ܢ ܩܵܕَܡ ܚܲܕَ ܙܲܒܼܢܵܐ ܟܹܐ ܬܵܠܸܚ ܗَܘܵܐ. 24ܘܫܵܒܚܝܼ ܗَܘܵܘ ܒܝܼܝܼ ܠܐܲܠܵܗܵܐ.